عودة بعد انقطاع

اولا انا مبسوطة اننا اتجمعنا تاني اخيراً ومبسوطة لانكم اول ما عرفتو بالمنتدى دا سجلتو فيه فوراً ونسيتو زعلكو مني بسبب غيابي الغامض عنكم وانا عارفة اني غلطت

لما اختفيت كدا فجأة بدون ما اشرح اي اسباب واكيد هتعرفوها بعدين بس المهم دلوقت اننا اتجمعنا تاني بس هما حاجتين اتنين ياريت ماتسألونيش فيهم ولا حتى تطلبوهم مني وبدون كلمة

"ليه" و وعد مني انا مش هغيب تاني بلاش تطلبو مني اني ارجع النادي الثقافي ولا القصر وبلاش تطلبو مني حكاية الفيس بوك بالذات وانا هعوضكو كلكم بأننا هنتواصل من خلال المنتدى

وبالنسبة لكل الحاجات اللي كنا بنعملها مع بعض في القصر كلها هتبقا هنا على المنتدى وانا رقمي مع كذا واحدة في المنتدى " ياسمينا واحلام وبسنت وريم" و الحقيقة انا رجعت علشان انا

اللي محتاجلكم اكتر من ما انتو محتاجين ليا ومحتاجة للانشغال اللي كنتو بتشغلوني فيه بمشاكلكم و الروايات والمقالات وكل دا محتاجة فعلاً اني ابقا مشغولة...المهم انا عندي كام طلب بسيط

منكم بخصوص المنتدى وفي قوانين خفيفه كدا علشان نظام المنتدى :-

الطلبات والقوانين:-

1- بلاش خناق على حاجات مالهاش لازمة .

2- بلاش موضوع سرقة الصور دا هو صحيح انو انا حابة فكرة الصور الموحدة بس ياريت بهدوء.

3- الالتزام بالقوانين اللي هكتبها وزي ماقلتلكم دا بس للحفاظ على نظام المنتدى.

4-بلاش حد فيكم يكتب معلومات شخصية بإستثناء "تاريخ الميلاد والنوع والتعاليق" يعني ممنوع روابط مواقع التواصل الاجتماعي وماتحطوش الصور الحقيقية بتاعتكم دا كله منعاً للمشاكل

اللي كانت بتحصل في القصر

5- ياريت تشوفو ترتيبات التسجيل بتاعتكم وتعلقو على اساسها بمعنى ... انو تعلقو على الموضوعات بالدور زي الترتيب بتاعكم الموجود في قسم الاعضاء.

6-ممنوع التعليق على قسم الهمسات والقصائد والمشاكل والحلول "ممكن ايموشنات مش كلام".

بس كدا

المهم بقا انا هيبقا ليا ايام محددة اللي هنشر فيها الموضوعات على المنتدى بس هحتاج من العضوة ياسمينا انها تنشر الموضوعات القديمة اللي كتبتها في القصر الثقافي

هو المنتدى هيحتاج كام يوم بس لحد ما يبقا منظم اكتر من كدا واللي عندها اقتراحات لاقسام جديدة اكتبولي في قسم الموضوعات العامة وانا هعمل القسم المقترح

و ع فكرا انا عارفة ان في بنات كتيرة مش بتفهم اللغة العربية الفصحى اد كدا بس انا هكتب معظم موضوعاتي باللغة العامية ^^

وبالمناسبة انا مواعيدي على المنتدى هتبقا يوم السبت بس  

وجودك معانا بالدنيا اصلا يارب نفضل متجمعين دايما

حاسة ان المنتدى هيبقه نادي ترفيهي

هتبقي بخير معانا واحنى هنكون بخير معاكي

مالك روحة مرة تانية انتي بدك تضلي بيناتنا رغم عن انفك

هاليوم الزين والله ماني مصدقة روحي انا اريد اطير بهالفرحة واخيرا صرنا متجمعين

ياااااااااااه المنتدى الي بنحلم بيه اهو ههههه

القوانين مش كتيرة وسهلة وكلنا كبار مفيش واحدة تعمل مشاكل للتانية تاني المهم ان المنتدى اتعمل

ارجووووكي متمشيش تاني كلنا محتاجين نتكلم معاكي وكلنا عندنا مشاكل محد غيرك هيقف جنبنا فيها

وجودك كان مهم ولسه مهم خليكي علا طول

يا بنتي والله انتي اروع واحلى واحدة دخلت حياتنا كلنا

بالنسبة الي انتي اقرب حدا على قلبي لا تروحين ترى كل ذكرياتي الحلوة معك

ماحدش فينا كان متخيل انك ممكن ترجعي تاني كنا فقدنا الامل ده والله

عاوزاااكي في اكتر من حاااجةة

الله يخليلنا وجودك معانا حاسة ان كل مشاكل اتحلت من قبل ما اقوولك عنها

المهم انك رجعتي والله مش مصدقة اني بعلق على حاجة انتي كتبتيها

على فكرة انا دلوقتي حاسة اني رجعت كويسة وعندي امل زي قبل كدة ودة بسبب رجعتك تاني

استاذتي الي كانت بتديني القوة

وكتاب ربنا انا رجعتلي حياتي من جديد انتي مش مستوعبة انتي ايه بلنسبة لكل واحدة فينا

انا بقى كل الي هقوله ليكي انك متزعليش مني ونبدأ من جديد وانتي عارفة كويس احنا كنا ايه في حياة بعض

وحشتيني اوي

انا كمان عاوزة اعتذرلك ع شان ضغطنا عليكي بدال منكون واقفين جامبك و الشلة بتاعتنا من يومها وهي متفرقة

حبيبتي وحبيبت قلبي وحشااااني ومبسوطة برجوعك لينا تاني

انا كنت اكتر واحدة زعلانة منك لانك سبتيني من غير متقولي ليه بس المهم انك رجعتي تاني وحشتيني وبحبك اكتر من الاول

احلى يوم ده ولا ايه