نظرتي عن الاغاني الشعبية

المساهمات : 3 تاريخ التسجيل : 15/02/2018

معظمكم سالوني ايه هي نظرتك عن الاغاني الشعبية

اولا انا عمري ما سمعت اغنية شعبية واحدة الا مقطوعات بالصدفة من الشوارع او قرايبي او المحلات و النوادي والافراح

ورأيي الاول او الانطباع الاول كان انها صاخبة شوية ودا بيرجع لاني بحب اسمع الموسيقى الهادئة زي البيانو و بيتهوفن و

اغاني عبد الحليم وكدا بس لما تعمقت في الاغاني دي ودخلت في عمق كلماتها لقيتها بتجمع بين خمس حاجات مهمين جداً

3حاجات احنا بنحتاجهم في حياتنا العادية زي مثلاً في اغاني بتجمع بين ((الواقع والنصح والارشاد)) والحاجتين التانيين

هما ((الرفع من الروح المعنوية و إدخال نوع من البهجة للحياة)) و الحاجتين دول انا شخصياً بحتاجهم جداً في شغلي مع

العضوات.

و كلنا عارفين طبعا المطرب اسمه "محمود الليثي" دا بصراحة انا معجبة بالأغاني اللي بيقدمها جداً وفي نقطة مهمة عايزة

انبه حضراتكو ليها...

في حالياً موسيقار اسمه "محمد عبد السلام" عازف اورج كسب شهرة واسعة جداً وكمان بقا عنده شعبية بين الناس و هو دا

سبب اني دخلت في اجواء الاغاني الشعبية لاني انبهرت انبهار شديد جداً جداً بأداءه على الاورج وبقا عندي فضول اسمع و

اتابع اي فيديو او اي اغنية بيشارك فيها ومش عايزة اقولكم بقيت متابعة جيدة للموسيقار دا.

بإختصار الهدوء حلو والاجواء الراقية حلوة بس اللي فعلاً يساعدنا اننا نواصل الحياة بشكل فكاهي ورضواني هي الاجواء

الشعبية دي لانها فعلا مبهجة جداً ومسلية جداً ونصيحتي لحضراتكم انكو تخرجو برا نفسكو شوية وعيشو الحياة الترفيهية

ودا لصالح الحالة النفسية بتاعتنا .

jddp44

دة اول تقرير كتبتة الكاتبة (كريمة حسني ) في القصر الثقافي عن الشعبي وهنزل باقي التقارير قريب qwsw